ESKERTÝ: Elordada 8 -9 jeltoqsan kúnderi boran soǵyp, jel ekpini 15-20 m/s deıin jetýi múmkin
ASTANA. QazAqparat - Elordalyq «Qazgıdromet ortalyǵy» mamandarynyń habarlaýynsha, 8-9 jeltoqsan kúnderi Astanada jáne Aqmola oblysynyń aýmaǵynda ońtústik-batystan soqqan jeldiń ekpini sekýndyna15-20 metrge, keı jerlerde 25 m/s deıin kúsheıedi.
Osy oraıda shuǵyl áreket etý qyzmetteri eskertý taratty, dep habarlaıdy astana.kz. Joldyń nashar kórinýine baılanysty Astana - Kókshetaý tas joly jabyldy.
8 jeltoqsan kúni Astanada kóshpeli bult shyǵady, oqtyn-oqtyn qar jaýady, boran soǵady. Ońtústik-batystan 9-14 m/s jyldamdyqpen jel soǵady, tańerteń jáne kúndiz jeldiń ekpini 15-20 m/s deıin jetýi múmkin. Aýa temperatýrasy túnde 12-14°S sýyq, kúndiz 5-7°S.
9 jeltoqsanda elordada kún bultty, oqtyn-oqtyn qar jaýady, boran soǵady. Ońtústik-batystan soqqan jel soltústik-shyǵysqa aýysady, 15-20 m/s. Aýa temperatýrasy túnde -13...-15°S, kúndiz -8...-10°S.
10 jeltoqsanda kóshpeli bult shyǵady, oqtyn-oqtyn qar jaýady, boran turady. Ońtústik-batystan 9-14 m/s, keıde 15-20 m/s jyldamdyqpen jel soǵady. Termometr baǵany túnde -18...-20°S, kúndiz -8...-10°S deıin tómendeıdi.
Astana TJD mamandary elorda turǵyndary men qonaqtaryna alys saparǵa shyqpaýǵa jáne qaýipsizdik sharalaryn saqtaýǵa keńes beredi.
