ESKERTÝ: Elimizdiń 3 oblysynda kún 43 gradýsqa deıin ysıdy
ASTANA. QazAqparat - Eki kún boıy elimizdiń 3 oblysynda kún aptap ystyq bolady dep boljamdanýda. Soǵan oraı Qazgıdromet eskertý jarııalady.
«27-28 maýsym kúnderi Qaraǵandy oblysynda, 28 maýsym Almaty oblysynyń keı jerlerinde kún 41 gradýsqa deıin ysıdy. 27-28 maýsym kúnderi kúndiz Jambyl oblysynyń keı jerlerinde aýa temperatýrasy 43°C-qa deıin kóteriledi», - delingen habarlamada. Al Qazaqstannyń basym aýmaǵynda jaýyn jaýyp, naızaǵaı oınap, jel kúsheıedi. Tek batys, ońtústik, ońtústik-batys óńirde kún ashyq bolady.
