Eskertý: búgin Aqtóbe oblysynda shańdy daýyl boljandy
ASTANA. KAZINFORM — 18 mamyr kúni Aqtóbe oblysynyń ońtústiginde jańbyr men naızaǵaı kútiledi. Shańdy daýyl boljanýyna baılanysty óńir turǵyndaryna eskertý jasaldy.
Sınoptıkterdiń boljamynsha, kúndiz oblystyń ońtústigi men ortalyǵynda shańdy daýyl bolýy múmkin.
Shyǵys jáne soltústik-shyǵysta jel soǵady:
• túnde — 15–20 m/s
• kúndiz — 15–20 m/s, keı jerlerde 23–28 m/s deıin kúsheıedi.
Qatty jel saldarynan aǵashtar qulap, shatyr jabyndary ushýy yqtımal. Jarnamalyq bannerler men álsiz bekitilgen konstrýktsııalardyń zaqymdanýy múmkin.
Oblystyń shyǵysynda joǵary órt qaýpi, ońtústiginde tótenshe órt qaýpi saqtalady.
Aqtóbe qalasy: 18 mamyrda shyǵys, soltústik-shyǵys jeli soǵyp, ekpini 15–20 m/s, kúndiz keı ýaqytta 23 m/s deıin jetedi.
Turaqsyz aýa raıyna baılanysty Aqtóbe oblysynyń ákimdigi jurtshylyqty saq bolýǵa shaqyrdy.
• Aǵashtardyń, elektr baǵandarynyń jáne álsiz konstrýktsııalardyń janynda turmańyzdar.
• Kólikterdi aǵashtardyń astyna qoımańyzdar.
• Balalardy qaraýsyz qaldyrmańyzdar.
• Órt qaýipsizdigin saqtap, ot jaqpańyzdar.
• Qatty jel kezinde múmkindiginshe úıde bolyńyzdar.
Búgin sondaı-aq Mańǵystaý, Atyraý, Qyzylorda, Túrkistan, Almaty oblystarynda jáne Jambyl oblysynyń taýly aýdandarynda, Jetisý oblysynda jańbyr jaýady dep boljandy.
