ESKERTÝ: Astanada qatty jel soǵady
ASTANA. QazAqparat - Búgin sınoptıkterdiń habarlaýynsha, Astana qalasynda soltústik-batystan 15-20 m/s jyldamdyqpen qatty jel soǵady dep kútilýde. Elordada kóshpeli bult shyǵyp, jańbyr jaýady, aýa temperatýrasy kúndiz +18+20°S, túnde +10+12°S bolady. Bul týraly elorda ákiminiń resmı saıtynda habarlady.
Aýa raıynyń kúrt buzylýynyń saldarynan qalalyq kommýnaldyq qyzmetter kúsheıtilgen rejımde jumys isteýde. Búgin, 10 shildede qala aýmaǵynda jańbyr sýlaryn sorý jumystaryna 30 jýyq mamandandyrylǵan tehnıka tartyldy. Atap aıtqanda, «Almaty» aýdany boıynsha - 11 assenızatorlyq kólik, «Saryarqa» aýdany boıynsha - 9 mamandandyrylǵan tehnıka men 1 sorý qurylǵysy bar MTZ kóligi jáne "Esil" aýdanynda 8 assenızatorlyq kólik, 5 motopompa men 2 sorý qurylǵysy bar traktor tıisti jumystarmen aınalysýda.
«Astana Tazalyq» JShS habarlaýynsha, qala kóshelerindegi mamandandyrylǵan tehnıka sany jańbyr men júktemeniń artýyna baılanysty kóbeıip otyrady.
«Qazgıdromet» RMK málimetinshe, shildeniń 11-12 kúnderi de elordada jańbyr jaýyp, jel soǵady dep boljanýda.
