Eskertý: Astanada eki kún boıy boran soǵady
ASTANA. 15 qańtar. QazAqparat - 15-16 qańtarda elordada boran bolady, ońtústik-batystan soqqan jeldiń jyldamdyǵy 15-20 m/s jetedi dep kútilýde. Soǵan baılanysty meteorologtar eskertý jarııalady, dep habarlaıdy astana.kz «Qazgıdromet» RMK málimdemesine silteme jasap.
Sınoptıkterdiń boljamynsha, aldaǵy kúnderi aıaz bolmaıdy. 15 qańtarda, sársenbi kúni Astanada kún bultty, kúndiz qar jaýady, boran bolady, túnde tuman turady. Ońtústik-batystan 9-14 m/s jyldamdyqpen jel soǵady, kúndiz ekpini 15-20 m/s jetedi. Túnde aýa temperatýrasy -5;-7°C, kúndiz 0;-2°C. «16 qańtarda, beısenbi kúni elordada kún bultty, qar jaýady, boran bolady. Ońtústik-batystan 9-14 m/s jyldamdyqpen jel soǵady, ekpini 15-20 m/s jetedi. Túnde aýa temperatýrasy -4;-6°C, kúndiz 0;-2°C bolady»,- dep boljaıdy sınoptıkter. 17 qańtarda elordada kóshpeli bult shyǵady, túnde qar jaýady. Batystan 9-14 m/s jyldamdyqpen jel soǵady, túnde ekpini 15-18 m/s jetedi. Aýa temperatýrasy túnde -11-13°C, kúndiz -6-8°C bolady.
