ESKERTÝ: Astana men taǵy 3 oblysta jeldiń ekpini sekýndyna 30 metrge deıin jetýi múmkin
ASTANA. QazAqparat - Astana men Qazaqstannyń úsh oblysynda aýa raıynyń ózgerýine baılanysty eskertý jarııalandy, dep habarlaıdy «Qazgıdromet» RMK baspasóz qyzmeti.
«18 naýryz kúni kúndiz, 19 naýryz táýlik boıy Aqmola, Qaraǵandy, 19 naýryz Pavlodar oblystarynda ońtústik-batystan soǵatyn jeldiń ekpini sekýndyna 17-22-ge deıin kúsheıip, tipti 23-28 metrge deıin jetýi múmkin, jekelegen aýdandarda sekýndyna 30 metrge deıin barady», - delingen habarlamada. Baspasóz qyzmetiniń aqparaty boıynsha, Astanada 18 naýryz kúni kúndiz jáne 19 naýryzda jańbyr, qar jaýyp, ońtústik-batystan soǵatyn jeldiń ekpini sekýndyna 17-22 jetip, 25 metrge deıin kúsheıýi yqtımal.
