ESKERTÝ: Almatynyń Abaı kóshesinde kólik qozǵalysyna shekteý engiziledi
ALMATY. QazAqparat - Almatynyń kúre joldarynyń biri - Abaı dańǵyly boıyndaǵy Esentaı ózeni arqyly ótetin kópirge kúrdeli jóndeý jumystary júrgizilmek, osyǵan baılanysty kólik qozǵalysyna shekteý engiziledi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
«24 sáýirden bastap, Abaı dańǵyly boıyndaǵy Esentaı (Vesnovka) ózeni arqyly batys jáne shyǵys baǵyttaǵy kólik qozǵalysy shekteledi. Ár baǵytta kólik qozǵalysy bir jolaq boıynsha júzege asyrylady. Іrgeles kóshelermen kólik qozǵalysy ózgerissiz júrgiziledi», - delingen Almaty qalasy jolaýshylar kóligi jáne avtomobıl joldary basqarmasy taratqan habarlamada.
