Eskertý: Almatyda jaýynnyń arty kóktaıǵaqqa ulasýy múmkin
ALMATY. QazAqparat - Almatyda jeltoqsanda tolassyz jaýyn jaýyp tur, dep habarlaıdy QazAqparat tilshisi.
Sınoptıkterdiń boljaýynsha, 9-10 qaraǵan túni aýa temperatýrasy -4 gradýsqa deıin tómendep, jaýynnyń arty qarǵa ulasýy múmkin.
Sonymen qatar, sol túni kóktaıǵaq bolýy yqtımal.
Qalalyq tabıǵı resýrstar jáne tabıǵatty paıdalaný basqarmasy kommýnaldyq qyzmettiń tabıǵattyń tosyn minezine daıyn ekendigin habarlady.
«Almatylyqtar men qonaqtardan jol shetindegi avtokólikterdi alýdy ótinemiz. Sebebi, bul kólikter túngi ýaqytta jol shetindegi qardy tazalaýǵa kedergi keltirip otyr. Jol shetindegi kólikter evakýatormen basqa baǵytqa aparylady. Qala turǵyndaryna óz kóligin paıdalanbaı qoǵamdyq kólikke otyrýǵa keńes beremiz»,- dedi basqarmadan.
Qala bıligi jaýyndy-shashyndy kúnderi jol qozǵalysynda abaı bolýǵa keńes beredi.
