ESKERTÝ: Almaty men Shyǵys Qazaqstan oblystarynyń taýly aýmaqtarynda qar kóshkini bolýy múmkin
ALMATY. QazAqparat - Taýly aýdandarda jaýyn-shashynnyń jıilep ketýi jáne qar jamylǵysynyń turaqsyzdyǵyna baılanysty Almaty men Shyǵys Qazaqstan oblystarynyń taýly aýmaqtarynda 12-14 sáýir aralyǵynda qar kóshkini bolýy múmkin. Bul týraly búgin Almaty qalasynyń Tótenshe jaǵdaılar jónindegi departamentiniń baspasóz qyzmetinen habarlady.
«Taýly aýdandarda jaýyn-shashynnyń jıilep ketýi jáne qar jamylǵysynyń turaqsyzdyǵyna baılanysty Almaty men Shyǵys Qazaqstan oblystarynyń taýly aýmaqtarynda 2016 jyldyń 12-14-shi sáýiri aralyǵynda qar kóshkini bolýy yqtımal. Sondyqtan, qar basqan taý bókterlerine shyǵýdan bas tartqan jón. Taý joldarynda abaı bolyńyzdar!», - delingen habarlamada.
Aıta ketelik, Almaty qalasynyń Tótenshe jaǵdaılar jónindegi departamenti bul eskertýdi «Qazgıdromet» memlekettik kásipornynyń búgingi jasaǵan daýyldyq eskertýi negizinde jasady.
