ESKERTÝ: Aldaǵy kúnderi elimizdiń basym óńirlerinde aýa temperatýrasy kúrt tómendeıdi
ASTANA. 4 qańtar. QazAqparat - «Qazgıdromet» RMK elimizdiń birqatar óńirlerinde aýa temperatýrasynyń kúrt tómendeýine baılanysty eskertý jarııalady.
4-5 qańtar kúnderi Qostanaı, Aqtóbe, Aqmola, Soltústik Qazaqstan, Pavlodar, 4-6 qańtar kúnderi Qaraǵandy, 5-6 qańtarda Shyǵys Qazaqstan oblystarynda aýa temperatýrasy kúrt tómendeıdi, túnde 30-35, keı jerlerde 38 gradýsqa deıin, kúndiz 23-28, keıbir aımaqtarda 31 gradýsqa deıin sýytady.
4-6 qańtar kúnderi Qyzylorda oblysynda túnde 20-25, keı jerlerde 30, kúndiz 15-20, keıbir jerlerde 23 gradýs aıaz bolady.
5-6 qańtarda Almaty, Jambyl, Ońtústik Qazaqstan oblystarynda túnde 15-20, keıbir aımaqtarda 25, kúndiz 10-15, birqatar jerlerde 18 gradýsqa deıin temperatýra tómendeýi kútilýde.
Astana qalasynda 4-5 qańtar kúnderi túnde aýa temperatýrasy -31-33 oS, kúndiz -26-28 oS-qa deıin kúrt tómendeıdi.
