ESKERTÝ: Aqmola oblysy men Astanada daýyldy jel turady
ASTANA. QazAqparat - Aldaǵy aptanyń basynda Aqmola oblysynda jáne Astanada daýyldy jel bolatyny jaıynda eskertý jasaldy.
«112» qyzmetiniń málimetinshe, sáýirdiń 7-si men 9-y aralyǵynda Astanada sekýndyna 15-20 metr ekpindi jel turady. Al Aqmola oblysynda sol kúnderi 23-28 m/s kúshpen jel soǵady.
Aıta keteıik, Almaty qalalyq TJD «Qazgıdromet» RMK boljamyn negizge ala otyryp, Almaty oblysynda qar kóshkini júrýi múmkin dep shuǵyl eskertý jasady. «Qazgıdromet» RMK boljamyna sáıkes, Almaty, Shyǵys Qazaqstan, Ońtústik Qazaqstan oblystarynyń taýly aımaqtarynda sáýirdiń 4-7 aralyǵynda aýa raıynyń kúrt jylýyna baılanysty qar kóshkini júrýi múmkin.
Osyǵan oraı qalalyq qutqarý qyzmeti atalǵan aımaq turǵyndaryna qaýipsizdik erejelerin qatań saqtaýdy eskertip otyr.
