Eskertý: 12-16 jeltoqsan aralyǵynda Qazaqstannyń ońtústiginde aıaz bolady
ASTANA. 11 jeltoqsan. QazAqparat - 12-16 jeltoqsan aralyǵynda Ońtústik Qazaqstan, Qyzylorda, Jambyl, Almaty oblystarynda aýa temperatýrasynyń aıtarlyqtaı tómendeýi kútiledi. Bul týraly Qazgıdrometke silteme jasaǵan QR TJM-niń baspasóz qyzmetinen habarlady.
12 jeltoqsan kúni túnde Almaty, Jambyl oblystarynda 5-10, keıbir jerlerde 15-20 gradýs sýyq bolady, oblystardyń soltústiginde aýanyń temperatýrasy 23-28 gradýsqa deıin tómendeıdi, Ońtústik Qazaqstan oblysynda 0-5 gradýs, keıbir jerlerde 9-14 gradýs sýyq bolady, oblystyń soltústiginde 20 gradýsqa deıin sýytady, Qyzylorda oblysynda 15-20, keıbir jerlerde 10 gradýs aıaz bolady, oblystyń batysynda 25 gradýsqa deıin salqyndaıdy.
13-16 jeltoqsan aralyǵynda túnde Almaty, Jambyl oblystarynda 10-15 gradýsqa deıin, keıbir jerlerde 23-27 gradýsqa deıin aıaz bolady, oblystardyń soltústiginde 30 gradýs aıaz bolýy yqtımal, Ońtústik Qazaqstan oblysynda 10-15, keıbir jerlerde 20-25 gradýs aıaz bolady, Qyzylorda oblysynda synap baǵanasy 20-25 gradýsty, keıbir jerlerde 30 gradýs aıazdy kórsetedi.
