Eskertkish qoıa bergenshe sport, medıtsına nysandaryn salýǵa basa nazar aýdarý qajet - Toqaev

ATYRAÝ. QazAqparat - Prezıdent Atyraý jurtshylyǵymen kezdesýde kóp shyǵyndy talap etpeıtin sport túrlerin damytý kerektigin eske saldy, dep habarlaıdy QazAqparat.

«Sport ınfraqurylymyn damytyp, ony barynsha qoljetimdi etý – mańyzdy mindettiń biri. Óńirdegi kóptegen sport nysanyna jóndeý júrgizý qajet. Sonymen birge, respýblıkalyq jáne halyqaralyq jarystar ótkizetin jańa sport keshenderin salý kerek. Jalpy, kóp shyǵyndy talap etpeıtin sport túrlerin damytqan jón. Mysaly, shahmat, ústel tennısi, toǵyzqumalaq, sadaq atý, qazaqsha kúres, taǵy basqa. Bul qadam, eń aldymen, balalarymyzdy teris ádetten alystatady jáne sport zaldarynyń tapshylyǵyn azaıtýǵa múmkindik beredi. Ákimdikke osy sharýalardy pysyqtaýdy tapsyramyn. Taǵy bir aıtaıyn degenim, eskertkishter qoıa bergennen góri, sport jáne medıtsına nysandaryn salýǵa basa nazar aýdarý qajet. Bul Atyraý oblysyna ǵana emes, búkil elimizge qatysty másele», - dep atap ótti jıynda Qasym-Jomart Toqaev.

Foto:t.me/bort_01