Eskendir Súleımenovke qatysty jol apaty: Týystar iske aralasqan joq - polıtsııa
ASTANA. QazAqparat - Astana qalasynyń Іshki ister departamenti Oljas Súleımenovtiń nemeresi - Eskendir Súleımenovtiń ólimine ákep soqqan jol apatynyń mán-jaıyn anyqtaýǵa eshbir týystardyń aralaspaǵanyn málim etti, dep habarlaıdy QazAqparat tilshisi.
«Onyń (Muhıtovanyń - avt.) ákesi, týystary nemese ózge de adamdardyń iske yqpal etý yqtımaldylyǵy týrasynda eshkimniń aralaspaǵanyn - senimdi túrde málimdeımin. Tergeýdiń tolyqqandy júrgizilýine eshqandaı kedergini kórip turǵan joqpyz. QR QPK 24-babyna sáıkes biz tergeýdiń jan-jaqtylyǵyn, tolyqqandylyǵy men shynaıylyǵyn qamtamasyz etemiz», - dedi qalalyq ІІD-de ótken baspasóz máslıhatynda departament bastyǵynyń orynbasary Sanjar Ádilov.
Aıta ketsek, Sanjar Ádilov kúdikti júrgizýshige qatysty kepil retindegi bultartpaý sharasy qoldanylǵanyn habarlaǵan bolatyn. Kepil somasy - 601 250 teńge. Sondaı-aq jol apaty kezinde onyń rýlde mas kúıinde bolmaǵany atap ótildi.
Astanadaǵy jol apatynda Oljas Súleımenovtiń 26 jastaǵy nemeresi Eskendir Súleımenov mert bolǵanyn buǵan deıin habarlaǵan bolatynbyz.
