Eskendir Harsan kásibı rıngtegi tórtinshi jeńisine qol jetkizdi

ASTANA. QazAqparat - Qazaqstandyq boksshy Eskendir Harsan (3-0, 3 KO) kásibı rıngtegi tórtinshi jeńisine qol jetkizdi, dep habarlaıdy Sports.kz.

Ol Ostındegi (Tehas shtaty, AQSh) boks keshinde óner kórsetti. Jeńil salmaqtaǵy 6 raýndtyq jekpe-jekte 21 jastaǵy qazaqstandyq meksıkalyq Manýel Rýbalkavomen (4-27, 0 KO) qolǵap túıistirgen bolatyn. Bul joly Harsan meksıkalyq boksshyny tórtinshi raýndta nokaýtqa jiberdi. Osylaısha, Eskendir óziniń karerasynda 4-shi ret qatarynan kezdesýdi merziminen buryn aıaqtady. Al meksıkalyq boksshynyń bul 28-shi jeńilisi.

Osyǵan deıingi kezdesýin Harsan 17 naýryzda taǵy da sol Ostınde ótkizgen bolatyn. Onda ol úshinshi raýndta amerıkalyq Rıchard Mýnosty (1-3-1, 0 KO) esinen tandyrdy.