Eskekshiler jarysy: Jalǵas Taıkenov Azııa kýbogynyń «altynyn» oljalady
ASTANA. QazAqparat - Qazaqstandyq eskekshi Jalǵas Taıkenov ashyq Azııa kýbogynyń altyn júldesine ıe boldy, dep habarlaıdy «QazAqparat» HAA tilshisi.
Baıdarka eskegi boıynsha mamandanǵan sportshy KL-3 200 dárejesindegi 200 metrlik qashyqtyqta birinshi bolyp keldi. Jarys Ózbekstannyń Samarqand qalasynda ótip jatyr. Oǵan 180-nen astam eskekshi qatysýda.
«2016 jylǵy Azııa chempıonatynda Jalǵas «kúmis» ıelengen bolatyn, bıylǵy jyly «altyn» alý múmkindigi buıyrdy. Bul jarystarǵa ol Ońtústik Qazaqstan oblysy eskek esý jáne jelken sporty federatsııasy men Reseıdiń parakanoe federatsııasy arasynda jasalǵan kelisimder aıasynda parakanoe boıynsha Reseı quramasymen birge daıyndaldy», - dedi Ońtústik qazaqstandyq federatsııanyń prezıdenti Denıs Jarmenov.
