Eskekshi Vladıslav ıAkovlev E tobynyń fınalyna shyqty

PARIJ. KAZINFORM — Frantsııa astanasynda ótip jatqan Olımpıadada akademııalyq eskek esýden qazaqstandyq sportshy Vladıslav ıAkovlev E/F1 tobynyń jartylaı fınalynda márege birinshi jetti.

Ol jarys jolyn 7 mınýt, 26.20 sekýndta baǵyndyryp, E tobynyń fınalynda synǵa túsýge múmkindik aldy.

Aıta keteıik, bul kezeńge qatysatyn eskek esý sheberleri júldege talaspaıdy. E jáne F tobynda shırek jáne jartylaı fınalǵa shyǵa almaǵan sportshylar ishinde oryn úlestiriledi.

Esterińizge sala keteıik, Parıj qalasynda alaýy tutanǵan XXXIII jazǵy Olımp oıyndarynda jalpy 32 sport túrinen 329 medal jıyntyǵy sarapqa salynady.

Qazaqstan sportshylary tórt jyldyq dodada sporttyń 25 túrinen 92 joldama jeńip alǵan bolatyn.

Qazirshe Qazaqstan qorjynynda 1 altyn, 2 qola medal bar.

Olımpıada oıyndary 11 tamyzda márege jetedi.