Eskek esýden ulttyq quramanyń sportshylary Ózbekstanda daýys berdi
TAShKENT. KAZINFORM – Ózbekstanda jattyǵyp jatqan eskek esýden Qazaqstan ulttyq qurama komandasynyń sportshylary Tashkentte daýys berdi, dep habarlaıdy Kazinform agenttiginiń Tashkenttegi menshikti tilshisi.
Qazaqstandyq eskekshiler osydan bir aı buryn Ózbekstanǵa oqý-jattyǵýǵa kelgen. Qytaıda ótetin Azııa chempıonatyna daıyndalyp jatqan 40-qa jýyq sportshy jáne olardyń jattyqtyrýshylary Tashkenttegi №431 ýchaskede óz tańdaýyn jasady.
— Bizdiń oqý-jattyǵý jıyndarymyz refrendým ýaqytymen tuspa-tus keldi. Sáıkesinshe, ulttyq qurama komandanyń músheleri jınalyp, ózimizdiń azamattyq ustanymymyzdy bildirip jatyrmyz, - dedi esek esýden ulttyq quramanyń bas bapkeri Qaısar Nurmaǵanbetov.
Sportshylardyń arasynda referendýmǵa alǵash ret qatysqandar da bar. Solardyń biri - Dinmuhamed Shynqojaev.
— Daýys berý protsesine ómirimde tuńǵysh ret qatysyp turmyn. Kóńil kúıim kóterińki, biraq úlken jaýapkershilikti sezinip turmyn. Men muny azamattyq paryzym dep sanaımyn, - dep pikir bildirdi ulttyq qurama komandanyń sportshysy.
Eske salaıyq, Ózbekstan astanasyndaǵy Qazaqstan elshiliginde ornalasqan referendým ýchaskesinde daýys berý júrip jatyr. Kelýshilerdiń qarasy qalyń.
Buǵan deıin habarlaǵanymyzdaı, Tashkentte 755 qazaqstandyq daýys beredi.
