Eskek esýden Azııa chempıonaty: Qazaqstandyqtar 2 altyn bir kúmis medal jeńip aldy
ASTANA. QazAqparat - Ózbekstannyń Samarqan qalasynda baıdarka men kanoede eskek esýden 23 jasqa deıingi jasóspirimder arasyndaǵy Azııa chempıonatynda qazaqstandyq sportshylar úsh medal jeńip aldy, dep habarlaıdy QazAqparat tilshisi.
QR Ulttyq olımpıadalyq komıtetiniń habarlaýynsha, 20 qazan kúni bastalǵan doda 25 qazanda óz máresine jetedi. Sondaı-aq, osy birinshilik aıasynda eresekter arasyndaǵy Azııa kýbogy dodasy da birge ótip jatyr.
Qazaqstandyq sportshylar búginge deıin úsh medal oljalady.
23 jasqa deıingi sportshylar arasynda baıdarkamen 1000 metrge jarysýdan Aleksandr Medvedev 2-shi oryn ıelendi. Al jasóspirimder arasyndaǵy dál osy básekede Kırıll Týbaev chempıon atandy.
Kanoeshiler synynda Altynbek Qojahmetke teń keler eshkim bolǵan joq. Ol 1000 metrge jarysýdan jasóspirimder arasyndaǵy Azııa chempıony ataǵyna qol jetkizdi.
FOTO: Qazaqstan UOK baspasóz qyzmeti
