Esqaırat Haıdarov: Prezıdenttik saılaý - el múddesine saı keletin mańyzdy saıası sheshim

ORAL. QazAqparat - Kezekten tys prezıdenttik saılaý - el múddesine saı keletin mańyzdy saıası sheshim. Jáńgir han atyndaǵy Batys Qazaqstan agrarlyq-tehnıkalyq ýnıversıteti «Rýhanı jańǵyrý ortalyǵynyń» aǵa oqytýshysy, tarıh ǵylymdarynyń kandıdaty Esqaırat Haıdarov osylaı aıtty, dep habarlaıdy QazAqparat tilshisi.

Onyń aıtýynsha, Qazaqstan mańyzdy ári jaýapty saıası kezeńge ótip otyr. Kez kelgen memlekettiń saıası júıesiniń evolıýtsııasy - zańdy qubylys.

«Elimizdiń áleýmettik-ekonomıkalyq damý qarqynyn saqtaý úshin bılik aýysymy úderisin barynsha tezirek aıaqtaý qajet. Sol kezde ǵana uzaq merzimdi mindetter men kún tártibindegi áleýmettik mańyzdy baǵdarlamalardy, jobalardy júzege asyrý josparynda aıqyndylyq oryn alady. Túrli boljamdar seıiledi. Bılik aýysýynyń tranzıttik kezeńi turaqtylyq pen qoǵamdyq kelisim kezeńine jalǵasady dep úmittenemiz», - dedi Esqaırat Haıdarov.

Esqaırat Haıdarovtyń pikirinshe, Prezıdent Qasym-Jomart Toqaevtyń kezekten tys prezıdenttik saılaý ótkizý týraly sheshimi - búgingi tańda mańyzdy ári qajetti shara. Prezıdenttiń bul saıası bastamasy elimizdegi turaqtylyqty saqtap qalý úshin jáne memleketimizdiń tańdap alǵan baǵyt-baǵdaryn, damý jolyn odan ári qaraı jalǵastyrý úshin jasalǵan naqty qadam.

Táýelsizdiktiń arqasynda 30 jylǵa taıaý ýaqyt ishinde Qazaqstan ekonomıkasy qaryshtap damyǵan, áleýmettik áleýeti artqan, demokratııalyq qundylyqtardy qadirleıtin memleket retinde ózin búkil álemge áıgili etti. Bul jetistikterge Elbasy Nursultan Nazarbaevtyń salıqaly saıasaty men qazaq halqynyń danalyǵy, qazaqstandyqtardyń tózimdiliginiń arqasynda qol jetkizdik. Qazaq eliniń bolashaqta da halyqtar arasyndaǵy yntymaqtastyqty tý etip, alǵa qoıǵan strategııalyq baǵyt-baǵdarlardy basshylyqqa ala otyryp, qoǵamdyq-saıası, áleýmettik-ekonomıkalyq jáne rýhanı jaǵynan damı bereri aqıqat.

Elimizdegi bıliktiń aýysýyna baılanysty bolǵan saıası ózgerister kezdeısoq nemese májbúrli túrdegi jaǵdaı emes. Bul el basshylyǵynyń aýyzbirliginiń jáne osy ýaqytqa deıingi memleketti basqarý dástúrindegi mol tájirıbesiniń arqasynda bolyp otyrǵan oń ózgerister dep baǵalaımyz. Osy ýaqytqa deıin Qazaqstan Respýblıkasy ózin demokratııalyq, zaıyrly, quqyqtyq jáne áleýmettik memleket retinde ornyqtyryp, saıası qalyptasqan memleketke aınaldy.

«Kezekten tys saılaý ótkizý Qazaqstannyń damýyna, ósýine jáne qazirgi ýaqyttaǵy respýblıkamyzdyń jańa saıası jaǵdaıǵa beıimdelýine arnalǵan.

Biz halyqaralyq qoǵam­dastyqtyń, sheteldegi árip­tes­terimizdiń, onyń ishinde sheteldik ınvestorlardyń Qazaqstanda júrip jatqan bılik tranzıtin muqııat qadaǵalaıtynyn umyt­paýymyz kerek. Olar úshin aıqyndyq, ishki turaqtylyq, saıası jáne ekonomıkalyq baǵyttyń sabaqtastyǵy mańyzdy bolyp tabylady. Halyq saılaǵan Prezıdent el damýynyń baǵytyn anyqtap qana qoımaı, elimizdi halyqaralyq arenada tanystyrady», - deıdi ol.

Tarıhshynyń paıymdaýynsha, saılaý bıliktiń zańdy­ly­ǵyn nyǵaıtýǵa, eldegi turaq­ty­lyqty qamtamasyz etýge yq­pal etedi. Onyń qoldanystaǵy zań­nama normalaryna qatań sáıkes­tikte ótkizilýi asa mańyzdy. Munyń barlyǵy Elba­sy usynǵan strategııalyq baǵdar­lamalardy tıimdi iske asyrýdy jalǵastyrýǵa múmkindik beredi.

«Saılanǵan Prezıdent mem­leket basshysynyń fýnktsııa­laryn júzege asyrýǵa, azamat­tardyń quqyqtary men bostandyqtarynyń kepili bolýǵa halyqtyń senim mandatyn alady. Saılaý elimizdiń aldynda turǵan barlyq mindetterdi tabysty sheshý úshin halyqty shoǵyrlandyrý protsesine serpin beredi. Saılaý - úlken jaýapkershilikti talap etetin saıası naýqan. Prezıdent óziniń sózinde: «Saılaýdyń taza, ashyq ári ádil ótýine kepildik beremin! Bul - meniń berik ustanymym!», - dep qadap aıtty. Bul el taǵdyry úshin aldaǵy ýaqytta ótetin saılaýdyń róliniń zor ekendigin bildiredi. Al úmitkerler bizde barlyq tirkelgen saıası partııalardan jáne respýblıkalyq qoǵamdyq birlestikterden usynylatyny belgili. Sondyqtan halqymyz saılaýǵa belsene qatysyp, ózderiniń qalaǵan adamyna daýys beredi dep esepteımiz. Árbir azamat elimizdiń bolashaǵy úshin óz tańdaýlaryn jasaýy tıis», - dep túıindedi oıyn Esqaırat Haıdarov.

Eske sala keteıik, budan buryn batysqazaqstandyq tarıhshy-ǵalymnyń uly dalanyń tarıhy - uly halyqtyń tarıhy týraly oı-tolǵamyn jarııalaǵan bolatynbyz.