Esik jazýy men Máshhúr Júsip jınaǵy ıÝNESKO tizilimine endi
ASTANA.KAZINFORM — Qazaqstan usynǵan eki nomınatsııa ıÝNESKO-nyń «Álem jady» baǵdarlamasynyń Azııa-Tynyq muhıty óńirlik tizilimine engizildi.
Bul sheshim 2026 jylǵy 5 qarashada Djakartada ótken baǵdarlamanyń Azııa jáne Tynyq muhıty óńirlik komıssııasynyń (MOWCAP) otyrysynda qabyldandy.
Tizilimge «Esik jazýy: Esik qorǵanynan tabylǵan kúmis tostaǵandaǵy túrki rýna jazýy» jáne «Máshhúr Júsip Kópeevtiń baspa basylymdary jınaǵy» endi.
Qos mura tizilimge engizilý arqyly Qazaqstannyń tarıhı-mádenı murasynyń halyqaralyq deńgeıde moıyndalǵanyn aıǵaqtaıdy. Óz kezeginde bul elimizdiń murasyn shetelde keńinen tanytýǵa múmkindik beredi.
Aıta ketelik qazaqtyń úsh birdeı mádenı murasy ıÝNESKO tizimine usynylǵan edi.
