Esik kóline aparatyn jol kóktemge deıin jabyldy

QONAEV. KAZINFORM – Almaty oblysynda Esik kóline baratyn jol 2025 jyldyń naýryz aıynyń sońyna deıin jabyldy.

Іle Alataýy memlekettik ulttyq tabıǵı parkiniń habarlaýynsha, bul shekteý qar kóshkini men tótenshe jaǵdaılardyń aldyn alý úshin engizilip otyr.

— Túrgen – Observatorııa tas joly boıyndaǵy Túrgen orman sharýashylyǵynyń baqylaý-ótkizý pýnkti arqyly ulttyq parkke barýǵa jaıaý júrginshilerge, sondaı-aq jeńil, júk jáne jolaýshylar kóligine saǵat 10:00-den 17:00-ge deıin ótýge ruqsat etilgen, — dep túsindirdi mekemeden.

Keshki saǵat 18: 00 - den tańǵy saǵat 10:00 - ge deıin ótiýge tyıym salynady.

Osyǵan deıin elimizde qar kóshkini jańa ádispen túsiriletini týraly jazǵan edik.

Qazaqstanda kóshkin qaýpi bar 619 ýchaske bar, onyń 165-i Almaty qalasynda ornalasqan. Sońǵy jyldary qysqy demalys túrleriniń tanymaldylyǵy artqannan keıin adamdardyń ómirine qaýip aıtarlyqtaı ósti.

«Qazgıdromet» RMK boljamy boıynsha 2025 jyldyń qańtar jáne aqpan aılarynda taýly aýmaqtyń basym bóliginde joǵary temperatýra men mol jaýyn-shashyn bolady. Bul qar jamylǵysynyń turaqsyz jaǵdaıyna alyp keledi jáne kóshkin qaýpi bar oqıǵalardyń yqtımaldyǵyn arttyrady.

Osyǵan deıin Shyǵys Qazaqstan oblysynda qar kóshkini qaýpine baılanysty jol jabylatyny týraly jazdyq.