Esik kólindegi bóget 23 mlrd teńgege qalpyna keltiriledi

QONAEV. KAZINFORM – Almaty oblysynyń qarjy basqarmasynyń ókili Kazinform agenttigine sý sharýashylyǵy nysanyn qaıta jańǵyrtý josparlary týraly aıtyp berdi. 

Basqarmadan atap ótkendeı, 2024 jyly qoldanystaǵy sý sharýashylyǵy qurylymdaryn jalǵa berý jáne senimgerlikpen basqarý erejelerine sáıkes bógetti qalpyna keltirý jumystaryn júrgizý úshin tender arqyly 23,6 mlrd teńgege jýyq jeke ınvestıtsııa tartyldy. 

– Esik kólindegi bóget qaıta qalpyna keltiriledi. ıAǵnı, gıdrotehnıkalyq qurylysqa kópfaktorly zertteý júrgizilip, jobalyq-smetalyq qujattama (JSQ) ázirlenedi. Aldaǵy ýaqytta saraptama jasalyp, jobalyq-smetalyq qujattama bekitilgennen keıin qurylys jumystaryn kezeń-kezeńimen júzege asyrý bastalady, - dep jaýap berdi redaktsııa saýalyna Qarjy basqarmasy basshysynyń orynbasary Anar Aqsholaqova.

Aıtýynsha, jobany iske asyrýǵa bóget qaýipsizdigi salasyndaǵy jumystardy júrgizý quqyǵyna ıe jáne ereje talaptaryna sáıkes keletin merdigerler tartylady.

– Infraqurylymdy jańǵyrtý demalýshylarǵa qolaıly jaǵdaı jasap, óńirge jańa týrısterdi tartýǵa múmkindik beredi, - dep atap ótti Anar Aqsholaqova.

Eske salaıyq, byltyr satyp alý quqyǵynsyz 49 jyl merzimge senimgerlik basqarýǵa berilgen Esik kólindegi bóget Almaty oblysynyń kommýnaldyq menshikke qaıtarylǵan bolatyn.

Ýchaskeniń aýmaǵy – 141,643 gektar.

Shart «Qazelektroenergııa» JShS-men 1 mlrd 052 mln teńgege jasalǵan.