Eski Qazaqstan qaıtyp kelmeı me — depýtat jaýaby
ASTANA. KAZINFORM — Parlament Májilisiniń depýtaty Murat Ábenov Prezıdent Qasym-Jomart Toqaevtyń Egemen Qazaqstan gazetine bergen suhbaty jóninde pikir bildirdi.
Búgin elordada Prezıdenttik ortalyq pen Parlamentarızm ınstıtýty Memleket basshysynyń suhbaty jóninde dóńgelek ústel ótkizdi.
«Prezıdent suhbaty der kezinde shyqty dep oılaımyn. Sońǵy kezde baıqaǵanym, ártúrli alańdarda túrli pikirler aıtylyp júr. Sonyń ishinde burynǵyny eske alatyn memýar kitaptar shyǵyp jatyr, basqa da podkastar, suhbattar berilip júr. Sonda azamattar arasynda „Eski Qazaqstan qaıtyp kelmeı me? Saıası reformalar naqty nátıje berip júr me?“ degen suraqtar týyndaýy múmkin. ıAǵnı „sýperprezıdenttik“ memlekettik júıe oralýy múmkin degen kúdik bar. Bul turǵyda Memleket basshysy óte jaqsy jaýap berdi dep oılaımyn. Eshqandaı qaıtyp oralý joq. Sebebi, saıası reformalar — bir kúndik áńgime emes, olar 2019 jyly bastaldy. Sol kezden bastap ózgerister naqtylandy», — dedi M. Ábenov dóńgelek ústel kýlýarynda.
Depýtat buǵan deıin sýperprezıdenttik memleket, Parlament deńgeıi tómen, Úkimet baqylaýsyz bolǵanyn atap ótti.
«Onymen qosa olıgarhtar úkimettegi adamdar arqyly ózine paıdaly sheshimder jasap, ekonomıkamyzdy quldyraýǵa jiberip, áleýmettik salany baqylaýsyz qaldyryp, azamattardyń quqytarynyń buzylýyna alyp keldi. Memleket pen azamattar arasyndaǵy senim deńgeıi azaıyp ketti. Sol sebepti bul reformalar birinshi kezekte, „sýperprezıdenttik“ memlekettik basqarý júıesinen aýystyrýdy kózdedi — „Myqty memleket, yqpaldy Parlament jáne esep beretin Úkimet“ formýlasy engizildi. Tek Prezıdenttiń sheshimimen ózgerister bolǵan joq, jalpy referendým arqyly halyqpen birge sheshildi. Sol sebepti bul — qaıtyp kelmeıtin júıe. Prezıdent ózinen bastap 7 jyldyq merzimge óz ókilettigin shektedi. Qoǵam da memleketti, bılikti baqylaýǵa alýdy talap etip keldi. Búkil dıskýssııalar, talqylaýlar kóshede emes, Parlamentte bolýy kerek. Parlament — damyǵan memleketter tárizdi azamattar pikirin jetkizetin jáne eń tıimdi sheshimder qabyldanatyn orta bolýy kerek», — dedi Murat Ábenov.
Aıta keteıik, 3 qańtar kúni Qasym-Jomart Toqaev Egemen Qazaqstan gazetine suhbat berdi. Kazinform suhbattyń tolyq mátinin jarııalady.
Buǵan deıin Murat Ábenov sheteldikter asyrap alǵan qazaq balalary jóninde óz oıyn aıtqan edi.
