Eski gaz ballondardyń máselesi sheshilmeı tur — Tótenshe jaǵdaılar mınıstri
ASTANA. KAZINFORM –Úkimet otyrysynda Tótenshe jaǵdaılar mınıstri Shyńǵys Árinov eldegi eskirgen gaz ballondardyń máselesi sheshimin áli tappaǵanyn aıtty.
— Byltyr eskirgen turmystyq gaz ballondaryn paıdalaný men olardy tańbalaý máselesin kótergen bolatynmyn. Qazir eki qalada (Şýchınsk jáne Stepnogorsk) gaz ballondardy tańbalaý jónindegi pılottyq joba iske qosyldy.
Alaıda, eldegi gaz ballondary óndirý jáne tozyǵy jetkenderin joıý máseleleri sheshilmegen kúıde qalyp otyr, — dedi mınıstr.
Aıta ketý kerek, gaz ballondardyń qoldanylýyn baqylaý Energetıka mınıstrliginiń, óndirý máselesi Ónerkásip jáne Ulttyq ekonomıka mınıstrlikteriniń quzyryna berilgen.
— Osyǵan oraı ákimdikterdiń janyndaǵy turǵyn úı komıssııalary gaz tutyný júıeleri men jabdyqtaryn qaýipsiz paıdalaný talaptarynyń saqtalýyna baqylaýdy kúsheıtý kerek, — dedi Shyǵys Árinov.
Aıta ketý kerek, Úkimettiń búgingi otyrysynda jylytý maýsymyndaǵy órt qaýipsizdigi sharalary pysyqtalyp jatyr.