Esirtkiniń zańsyz aınalymyna qatysty 77 qylmys anyqtaldy - «Dármek» operatsııasy

NUR-SULTAN. QazAqparat – «Dármek» operatsııasy barysynda esirtkiniń zańsyz aınalymyna qatysty 77 qylmys anyqtaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

Resmı ókildiń aıtýynsha, «Dármek» arnaıy aýqymdy operatsııasy barysynda esirtkiniń zańsyz aınalymyna qatysty 77 qylmys anyqtaldy. Onyń ishinde 38-si ótkizý faktisi bolsa, asa iri mólsherde esirtkini saqtaý boıynsha 15 fakti tirkeldi, 3 kontrabandalyq áreket áshkerelendi.

«Máselen, Shyǵys Qazaqstan oblysynyń polıtseıleri oblys ortalyǵynyń turǵynyn ustap, úıine tintý júrgizgen kezde 10 kelige jýyq gashısh taýyp aldy. Barlyq anyqtalǵan faktiler boıynsha qylmystyq ister qozǵaldy», - dedi Nurdildá Oraz aptalyq brıfıng barysynda.