Esirtkini jetkizý jáne satýmen aınalysqan qylmystyq top quryqtaldy
ASTANA. 13 qazan. QazAqparat. «Baqylanǵan jetkizilim» tásili boıynsha júrgizilgen jedel-izdestirý sharasynyń barysynda Esirtki bıznesine qarsy kúres basqarmasynyń qyzmetkerleri jedel-izdestirý bólimshesimen birlesip elorda aýmaǵynda esirtkini jetkizý jáne satýmen aınalysqan quramynda syǵan dıasporasynyń 3 adamy bar qylmystyq topty quryqtady,
dep habarlaıdy Astana qalasy ІІD baspasóz qyzmeti.
«V» esimdi azamatshanyń qylmystyq is-áreketterin qujatttandyrý kezinde onyń turǵylyqty mekenjaıy boıynsha ózimen birge turatyn týǵan-týysqandarynan qylmystyq top uıymdastyrǵany anyqtaldy, týysqandary onyń basyshlyǵymen zańsyz esirtki aınalymymen aınalysqan.
Joǵaryda kórsetilgen tulǵalarǵa qatysty zańsyz esirtki aınalymymen baılanysty 5, onyń 4-ýi esirtki satý faktisi boıynsha qylmystyq is qozǵaldy.
Qylmystyq topty joıý kezinde tárkilengen «aq ólimniń» jalpy salmaǵy 40 gramm geroın boldy.
Osy fakti boıynsha QR QK-niń 259-bayb 3-bólimi «a», «v»-tarmaqtary boıynsha qylmystyq is qozǵaldy. Astana q. ІІD Tergeý basqarmasy tergeý júrgizýde.
