Esirtkini zańdastyrǵan memleketter BUU qaharyna ilikti

ASTANA. QazAqparat - BUU-nyń esirtkini qadaǵalaý jónindegi agenttigi marıhýannany satý, ósirý jáne paıdalanýdy zańdastyrý týraly Ýrýgvaı men AQSh-tyń keıbir shtattary bıliginiń sheshimin synǵa aldy.

Uıym ókilderiniń aıtýynsha, atalǵan sheshim keıbir preparattarǵa qol jetimdilikti shekteıtin BUU-nyń birqatar konventsııalaryna qarama-qaıshy kelip otyr. Agenttik basshysy Raımond ıAns marıhýanany paıdalaný men saýdalaýǵa qatysty zańnamany jumsartýdyń kez kelgen qadamdary qoǵam densaýlyǵy úshin qaýipti qater bolyp tabylatyndyǵyn qadap aıtty. Jeltoqsannyń aıaǵynda Ýrýgvaı prezıdenti Hose Mýhıka marıhýannany satý men ósirý, paıdalanýdy tolyq zańdastyrý týraly zańǵa qol qoıdy. Qabyldanǵan zańǵa sáıkes, 18-den asqan Ýrýgvaı azamattaryna dárihanalarda 40 gramǵa deıin marıhaýanany ermin-erkin satyp alýǵa, sondaı-aq ózi paıdalaný úshin jylyna bul ósimdiktiń alty túbin ósirýge múmkindik berildi.