Esirtkini óz erkimen ótkizgen elordalyq aıyppulmen qutyldy

ASTANA. QazAqparat - Astana qalasy Almaty aýdanynyń №2 sotynda QR QK 296-baby, 2-bólimi boıynsha aıyptalǵan azamatqa qatysty qylmystyq is qaraldy.

«Sot barysynda anyqtalǵandaı, 2016 jyldyń 14 tamyzynda Qoshqarbaev jáne Jumabaev kósheleriniń qıylysynda jol-patrýldik polıtsııasy qyzmetkerleri aıyptalýshy azamatty jete tekserý barysynda, ol quqyq qorǵaý ókilderine jalpy salmaǵy 1,5086 gramm bolatyn esirtki zaty - marıhýanany óz erkimen tapsyrǵan. Aıyptalýshy esirtki zatyn satýǵa emes, ózine paıdalaný úshin saqtaǵan», - delingen Astana qalalyq sotynyń resmı saıtynda.

Sot úkimimen oǵan 40 aılyq-eseptik kórsetkish kóleminde aıyppul salyndy. Úkim zańdy kúshine endi.