Esirtkini medıtsınadan tys paıdalanǵany úshin jaýapkershilik engizý qajet - QR ІІM
NUR-SULTAN. QazAqparat - Esirtkini medıtsınalyq maqsattan tys paıdalanǵany úshin jaýapkershilik engizý qajet. Bul týraly búgin QR Іshki ister mınıstriniń orynbasary Rashıd Jaqypov aıtty, dep habarlaıdy QazAqparat tilshisi.
«Іshki ister mınıstrligi áý bastan-aq esirtkini medıtsınalyq maqsattan tys paıdalanýǵa jaýapkershilik engizý qajettigin aıtyp keledi. Bizdiń zańnamada tek «qoǵamdyq orynda» dep jazylǵan. Demek, mynadaı kereǵarlyq bar, úıde nasha shege alasyń, eger seni qandaı da bir esirtki kólemimen ustap alsa, onda ony saqtaǵanyń úshin jaýapqa tarta alady. Buǵan qosa, kóshede, qandaı da bir basqa orynda esirtkini tutynýǵa bolmaıdy. Esirtkimen, esirtki qylmysymen jáne esirtki tutynýmen kúres - bul memlekettiń basty maqsaty. Esirtkini tutynýǵa jáne esirtkige elitýge bolmaıdy dep sanaımyz. Sondyqtan tutyný ornyna qarmastan esirtkini medıtsınalyq maqsattan tys paıdalanǵany úshin ákimshilik jaýapkershilik engizý qajet dep esepteımiz», - dedi ol búgin QR Ádilet mınıstrliginde ótken Zań jobalaý qyzmeti máseleleri jónindegi vedomstvolyq komıssııa otyrysynan keıin BAQ ókilderine arnalǵan brıfıngte.
Sonymen qatar ol Іshki ister mınıstrligi tym az mólsherde esirtkini saqtaý jáne tutyný áreketin qylmystyq teris qylyqtan ákimshilik quqyq buzýshylyqqa ózgertýdi usynyp otyrǵandyǵyn aıtty.
Aıta keteıik, otyrysta májilismen Magerram Magerramov komıssııa múshelerine Májilis depýtattary bastamashylyq jasaǵan «QR Qylmystyq kodeksine jáne keıbir zańnamalyq aktilerge ózgerister men tolyqtyrýlar engizý týraly» zań jobasyn tanystyrǵan bolatyn.
Onyń aıtýynsha, usynylyp otyrǵan túzetýler sanktsııalardy jeńildetýdi, erkin aınalymnan alynǵan zattar tizbesin keńeıtýdi, keıbir áreketti qylmystyq teris qylyqtan alyp tastap, ákimshilik quqyqbuzýshylyq sanatyna jatqyzýdy kózdeıdi.
