Esirtkini aıaǵyndaǵy protezge salyp ótkizbekshi bolǵan reseılik azamat ustaldy
ASTANA. 14 qarasha. QazAqparat - Qazaqstandyq shekarashylar protezde esirtkini alyp ótpekshi bolǵan poıyz jolaýshysyn ustady, dep habarlaıdy QR UQK ShQ baspasóz qyzmetinen.
«Merke» ótkizý pýnktinde shekara narıady «Bishkek - Ekaterınbýrg» qatynasyndaǵy jolaýshylar poıyzyna shekaralyq baqylaý júrgizýdi júzege asyrý barysynda, «Argos» atty arnaıy ıtti qoldaný arqyly qarap tekserý kezinde qyzmettik ıt óziniń is-qımylymen Reseı Federatsııasynyń 1960 jylǵy azamatynyń sol aıaǵyndaǵy protezdi kórsetti.
Vagon jolserigi men eki kýágerdiń qatysýymen jolaýshynyń sol aıaǵy býnaǵynyń protezinde ózine tán ısi bar qoıý qońyr zat anyqtaldy. Sot-hımııalyq saraptama qortyndysyna sáıkes ol 25 gramm gashısh bolyp shyqty.
Esirtki zattaryn ustaý faktisi boıynsha quqyq qorǵaý organdary habarlandy.
