Esirtkimen kúres baǵdarlamasyna bólinetin qarjynyń bir bóligin Esirtkiniń zańsyz aınalymyna qarsy kúres jónindegi ortalyqqa berý qajet - E.Qazyhanov
ASTANA. 3 sáýir. QazAqparat - QR Syrtqy ister mınıstri Erjan Qazyhanov 2012-2016 jyldarǵa arnalǵan nashaqorlyqqa jáne esirtki bıznesine qarsy kúrestiń memlekettik jańa baǵdarlamasyna bólinetin qarjynyń bir bólgin
Esirtki, psıhotropty zattardyń jáne olardyń prekýrsorlarynyń zańsyz aınalymymen kúres jónindegi ortalyqqa bólýdi usyndy. Bul týraly ol búgin Úkimet otyrsynda atalǵan baǵdarlama tanystyrylǵannan keıin málim etti.
«Biz bul ortalyqty Almatyda ashý úshin uzaq kúrestik, qarjy, ǵımarat bólindi jáne esirtkige qarsy baǵyttalǵan baǵdarlamaǵa bólinetin qarjynyń bir bóligin Esirtki, psıhotropty zattardyń jáne olardyń prekýrsorlarynyń zańsyz aınalymymen kúres jónindegi ortalyq qyzmetine baǵyttaý qajet. Óıtkeni ol óziniń tıimdiligin kórsetip otyr», - dedi ol.
BUU málimetterine silteme jasaǵan onyń aıtýynsha, Aýǵanstannan soltústik marshrýt boıynsha esirtkiniń 25 paıyzy, ıaǵnı shamamen 100 tonna geroın tasymaldanady. Elimizde onyń tek 4-5 paıyzy ǵana tárkilenedi. «Taǵy 25 paıyz esirtki Iran jáne Pákistan marshrýttary arqyly tansymaldanady. Biraq BUU málimetterine sáıkes, Iran men Pákistanda osy esirtkiniń 20 paıyzyna deıin kólemi tárkilenedi eken. Al bizde nelikten onyń tek 5 paıyzǵa ǵana ustalatyndyǵy túsiniksiz», - dedi mınıstr.
