Esirtkimen aınalysqan Aqmola oblysynyń 4 turǵyny ustaldy- UQK

NUR-SULTAN. QazAqparat – QR UQK Aqmola oblysy boıynsha departamenti «PVP» sıntetıkalyq esirtki taratatyn uıymdasqan topty ustady, dep habarlaıdy QazAqparat UQK baspasóz qyzmetine silteme jasap.

«Aqmola oblysynyń aýmaǵynda áleýmettik jeliler men Internet-resýrstar arqyly sıntetıkalyq esirtki ótkizýge qatysy bar Aqmola oblysynyń tórt turǵyny ustaldy.Ustalǵandardyń turǵylyqty jerleri boıynsha 300 g astam «PVP» (pırolıdınovalerofenon) sıntetıkalyq esirtkisi, alynǵan zattardyń qaldyqtary bar ydystar, olardy oraýǵa arnalǵan polıetılen paketteri, esirtki tutynýǵa arnalǵan qurylǵylar jáne elektrondy tarazy alyndy», - delingen habarlamada.

QR UQK Aqmola oblysy boıynsha departamenti osy faktini QR QK 297-baby 3-b. boıynsha STBT-ǵa tirkedi. Ustalǵan adamdar qamaýǵa alyndy. Sotqa deıingi tergeý júrgizilýde.