Esirtkimen aınalysqan 5 qylmystyq top anyqtaldy– ІІM
«Jyl basynan beri esirtkige qatysty 1878 qylmys tirkeldi. Onyń ishinde esirtkini ótkizý boıynsha 1118 jaǵdaı, asa iri kólemde esirtki saqtaýdyń 323 jaǵdaıy anyqtaldy. 19 tonna ártúrli esirtki túri tárkilendi. Onyń 19 kelisi – geroın, 370 kelisi nasha 9 kelisi sıntetıkalyq esirtkiler. 5 qylmystyq toptyń áreketiniń joly kesildi. Qylmystyq jaýapkershilikke sondaı toptardyń 5 jetekshisi men 32 qatysýshysy tartyldy», - dedi QR ІІM Esirtki qylmysyna qarsy is-qımyl departamentiniń bastyǵy Tilegen Matkenov vedomstvoda ótken baspasóz máslıhatynda.
Departament bastyǵynyń aıtýynsha, qazirgi ýaqytta Qarjy mınıstrligimen birge 1400 abonenttiń tólem júıesi tekserilip jatyr.
«Klıenttik bazasy 10 myń adamnan turatyn 32 telegram-chat anyqtaldy. Olardyń ákimshilerine qatysty qazirgi ýaqytta jedel sharalar qabyldanýda. Sıntetıkalyq esirtki taratqan 5 saıt buǵattaldy. Reseıdiń Іshki ister mınıstrligine bizdiń aýmaqta esirtki taratý úshin paıdalanylǵan 230 reseılik nómirdi tekserý týraly ótinim jiberildi. Qazirgi tańda sıntetıkalyq esirtkiniń aınalymyna qatysty 262 qylmystyq is qozǵaldy. 85 azamat ustalyp, olardan 9 keli sıntetıkalyq esirtki tárkilendi», - dedi ol.