Esirtkige táýeldi elordalyqtar sany 7,8%-ǵa azaıdy

ASTANA. QazAqparat – Esirtkige táýeldi elordalyqtar sany byltyrmen salystyrǵanda 7,8%-ǵa azaıdy. Bul týraly bas shahardyń maslıhatynda baıandama jasaǵan Astana qalalyq Qoǵamdyq densaýlyq saqtaý basqarmasy basshysynyń mindetin atqarýshy Berik Qaıkenov málim etti, dep habarlaıdy QazAqparat.

«Bıyl elorda boıynsha esirtkige táýeldi adamdardyń jalpy sany – 1 096, al ótken jyly – 1 189 boldy. ıAǵnı, olardyń sany 7,8% tómendedi. Esirtkige táýeldiligi bar ekeni alǵash ret anyqtalǵan adamdardyń sany – 51, ótken jyly – 60, al apıynge táýeldildi adamdardyń jalpy sany – 530, ótken jyly – 658 adam. Ókinishke qaraı, tramadoldy qoldanatyn adamdar sany ósti. Ótken jyly olar 245 bolsa, bıyl 283 adamaǵa jetti», - dedi Berik Qaıkenov.

Ol polıtsııa departamentimen birlesip, ár on kún saıyn aqparattardy salystyrý júrgiziletinin atap ótti. Osynyń nátıjesinde jyl basynan beri esirtki zattaryn paıdalaný faktisi anyqtalǵan 378 turǵynǵa medıtsınalyq tekserý júrgizilgen. Berik Qaıkenov usynǵan aqparatqa saı, bıyl esirtkiniń shamadan tys dozasynan qaıtys bolǵandar tirkelmegen.