Esirtkige masaıǵan kólik júrgizýshisi tártipke baǵynbaı, almatylyq polıtseılerdi álekke saldy
ALMATY. QazAqparat – Almatyda esirtkige masaıǵan kólik júrgizýshi polıtseılerge boı bermeı, oqıǵaǵa ornynan qashpaq boldy, dep habarlaıdy QazAqparat polisia.kz telegram kanalyna silteme jasap.
Oqıǵa búgin bolǵan. Jergilikti polıtsııa qyzmeti mamandandyrylǵan batalonynyń ekıpajy Maılın kóshesiniń boıynda, soltústik baǵytta Lexus avtokóligin toqtatady. Onyń 1992 jylǵy júrgizýshisi óreskel qylyq kórsetedi. Ózin agressıvti ustap, polıtsııanyń zańdy talaptaryna baǵynbaı, turaqta turǵan Chevrolet kóligine zaqym keltiredi. Ol oqıǵa ornynan qashyp ketpek bolady.
Patrýldik polıtsııa qyzmetkerleri júrgizýshiniń jolyn buǵattap, ustaıdy. Medıtsınalyq tekserýge alyp barady. Saraptama nátıjesinde júrgizýshiniń esirtkige mas ekendigi belgili bolady. Oǵan qatysty birneshe bap, atap aıtqanda QR ÁQbK-niń 608-baby 3-bóligi, QR ÁQbK-niń 613-baby 1-bóligi, QR ÁQbK-niń 599-baby 1-bóligi, QR ÁQbK-niń 596-baby 3-bóligi, QR ÁQbK-niń 600-baby 1-bóligi jáne QR ÁQbK-niń 230-baby 2-bóligi boıynsha hattamalar toltyryldy.
Kólik mamandandyrylǵan aıyppul turaǵyna qoıyldy. Óndiris materıaldary sheshim shyǵarý úshin sotqa jiberiledi.
