Esirtkige mas bolyp, rýlge otyrǵan jigittiń kóliginen marıhýana tabyldy - ShQO

ÓSKEMEN. QazAqparat - Shyǵys Qazaqstannyń Besqaraǵaı aýdanynda esirtkige elitken júrgizýshi ustaldy, dep habarlaıdy QazAqparat oblystyq polıtsııa departamentiniń Instagram paraqshasyna silteme jasap.

Qara Myrza aýylynyń mańynda VAZ-2107 markaly avtokóligi kózge ilikken. Polıtseıler artynan kele jatqanyn baıqaǵan júrgizýshi jasyrynýǵa tyrysqan.

Іzge túsken polıtseıler qashýǵa tyrysqan kólikti ustady. Kólik salonynda osy aýyldyń 1984 jáne 1982 jyly týǵan eki turǵyny bolǵan.

Medıtsına ortalyǵyna jetkizilgen olardyń kýálandyrý aktisine sáıkes esirtkige mas ekeni anyqtaldy.

Júrgizýshige qatysty QR ÁQBK 608-baby boıynsha ákimshilik hattama toltyryldy.

Sonymen qatar, kólik quralyn tekserý barysynda kólik salonynda kanobınoıdty tuqymdastardan shyqqan qoldan jasalǵan 4 ydysqa otyrǵyzylǵan ósimdik tabylyp, tárkilendi.

Sot-hımııalyq saraptamaǵa sáıkes bul ósimdik esirtki sanalady.

Ustalǵandardyń biri bul ósimdik onyń aýlasynda óskenin, al qazir ony qazyp alyp ormanǵa apara jatqanyn aıtty.

Qurylǵan arnaıy jedel tergeý toby bir mezgilde eki eldimekende tintý júrgizdi.

Aıyptalýshylardyń biriniń garajynan erekshe ıisi bar ósimdik tektes zattar bar úsh polıetılen paket tabyldy.

Saraptama qorytyndysyna sáıkes tárkilengen zattar marıhýana ekeni anyqtaldy.

Atalǵan fakti boıynsha QR QK 300-baby boıynsha sotqa deıingi tergeý júrip jatyr.

Alynǵan ósimdikterge sot-hımııalyq saraptama taǵaıyndaldy.