Esirtkige qarsy kúres kúnine oraı Almatyda birqatar is-sharalar ótti
ALMATY. Maýsymnyń 29-y. QazAqparat /Ádilet Musahaev/ - Aǵymdaǵy jylǵy maýsymnyń 26-da AQSh Halyqaralyq damytý agenttiginiń (USAID) qarjylaı qoldaýymen «Aýtrıch densaýlyq qamqory» baǵdarlamasynyń sheńberinde jastar arasynda esirtkige qarsy kúres sharalary ótkizildi.
Shara barysynda qatysýshylarǵa AQTQ juqpasynyń taralýy jaıynda áńgimelenip, QR jáne sonyń ishinde, Almaty qalasynda esirtki qoldaný týraly, esirtkilik zattardy qoldaný men taratýdyń quqyqtyq aspektileri týraly aqparat berildi. Sonymen qatar «Fýtbol esirtkige qarsy» sporttyq saıysy uıymdastyryldy. Atalǵan is-sharanyń sheńberinde qalalyq narkologııalyq medıtsınalyq-áleýmettik túzetý ortalyǵy ońaltý kýrsynan ótýshi esirtkiqumarlardyń arasynda "Meniń esirtkisiz ómirim" taqyrybyna sýret baıqaýy uıymdastyrylyp, oǵan qosymsha aqparattyq-bilim berý sharasy ótkizildi. Oǵan Qazaqstan Respýblıkasyndaǵy AQSh Bas konsýldyǵy basshysynyń mindetin atqarýshy Robert Leın, Respýblıkalyq JQTB-nyń aldyn alý jáne oǵan qarsy kúres ortalyǵynyń bas dırektory Vladımır Slesarev, AQSh Halyqaralyq damytý agenttigi (USAID) densaýlyq saqtaý jáne bilim berý bóliminiń dırektory Krıstıan Barrat, jáne Ortalyq Azııadaǵy PSI aımaqtyq ókili, «Aýtrıch densaýlyq kúzetinde» baǵdarlamasynyń jetekshisi Leıla Kóshenova qatysty.
