ESIRTKIGE JOL JOQ: Astanada esirtkige qarsy aktsııa ótti
Elordanyń Saryarqa aýdanynda qala turǵyndary arasynda nashaqorlyqtyń aldyn alý boıynsha túsindirý jumysy júrgizildi. Aktsııa barysynda ótip bara jatqan adamdarǵa esirtki zattaryn qoldanýdyń zııandy áseri týraly eskertetin aqparattyq býkletter taratyldy, dep habarlaıdy Kazinform Astana ákimdiginiń resmı saıtyne silteme jasap.
Aktsııany «Astana jastary» Jastar resýrstyq ortalyǵy uıymdastyrdy.
Іs-sharanyń maqsaty – dıspanserlik esepte turǵan esirtkige táýeldi adamdardyń, onyń ishinde 14 jastan 35 jasqa deıingi jastardyń sanyn azaıtý úshin aldyn alý sharalary.
Qalalyq polıtsııa departamenti esirtki qylmysyna qarsy is-qımyl basqarmasynyń, Jastar saıasaty máseleleri basqarmasynyń ókilderi, Saryarqa aýdany ákimi apparatynyń jáne aýdandyq prokýratýranyń qyzmetkerleri «Nırvana» túngi klýbynda, «Stambýl»» jáne «Jarkyl» kafelerinde nashaqorlyqtyń aldyn alý boıynsha túsindirý jumysyn júrgizdi.
NEET «Astana jastary «Jastar resýrstyq ortalyǵy» sanatyndaǵy jastarmen jumys bóliminiń basshysy Álfarabı Nurkenuly aktsııa «ESIRTKIGE JOL JOQ» jobasy aıasynda ótip jatqanyn jáne jastar arasynda nashaqorlyqtyń aldyn alýǵa baǵyttalǵanyn atap ótti.
«Mundaı aktsııalar únemi ótkizilip turady jáne bıyl biz 15-ke jýyq is-shara uıymdastyrdyq. Munda qabyrǵalardy boıaý boıynsha aktsııalar ótkizildi, ýnıversıtetter, mektepter men kolledjder bazasynda túsindirý jumysy júrgizildi. 20-dan astam trenıng bilim berý mekemelerinde kásibı psıhologterdiń, sondaı-aq qalalyq polıtsııa departamenti esirtki qylmysyna qarsy is-qımyl basqarmasynyń qyzmetkerleriniń qatysýymen uıymdastyryldy. Kelesi jyly barlyq atqarýshy organdar men úkimettik emes uıymdar tartylatyn jumys tobyn qurý josparlanyp otyr. Onyń qyzmeti aıasynda naqty jumys kózdeledi, nátıjesinde keminde 300 myń jas qamtylady», - dedi ol.
