Esirtkiden ýlanǵan sábı aýrýhanada kóz jumdy
ASTANA. QazAqparat - Reseıde kishkentaı bala aýrýhananyń jansaqtaý bóliminde kóz jumdy. Aldyn ala boljam boıynsha balanyń ólimine esirtkiden ýlaný sebep bolǵan, dep habarlaıdy RIA Novostı.
Tergeýshiler 26 shilde kúni balanyń ata-anasy ony qonaqqa ertip aparǵandyǵyn anyqtady. Úsh saǵattan keıin anasy balanyń tynys almaı jatqandyǵyn baıqaǵan.
«Bala aýyr jaǵdaıda jan saqtaý bólimine jetkizildi. Alaıda shamamen 19 saǵattan keıin kóz jumdy. Aldyn ala boljam boıynsha, bala ólimine esirtki zatynan ýlaný sebep bolyp otyr», - dedi Reseıdiń Máskeýdegi TKBTB basshysynyń aǵa kómekshisi ıÝlııa Ivanova..
Bala ólimine qatysty qylmystyq is qozǵaldy. Oqıǵaǵa kúdikti retinde balanyń ata-anasymen úıde qonaqta bolǵan 41 jastaǵy áıel ustaldy.
