Esirtki jarnamasyn ornatqan kompanııa 750 myń teńge aıyppul tóleıtin boldy
Qalalyq Polıtsııa departamentiniń Esirtki bıznesine qarsy kúres basqarmasynan habarlaǵandaı, «Narýjnaıa reklama» JShS ókili QR ÁqbK 423-baby boıynsha ákimshilik jaýapkershilikke tartyldy.
Bul bap boıynsha zańdy tulǵalarǵa 300 AEK kóleminde aıyppul qarastyrylǵan.
«Sonymen qatar, jarnamaǵa tapsyrys bergen tulǵa anyqtaldy. Ol Qaraǵandy qalasynyń týmasy boylp shyqty. Bul aqparat Qaraǵandy oblysyndaǵy áriptesterimizge tapsyryldy. Kúdikti Qazaqstannyń 4 oblysy Nur-Sultan, Shymkent, Qaraǵandy, Óskemen qalalarynda bılbordtarǵa tapsyrys bergen. Qazir Almatydaǵy eki bılbord buzyldy», - dedi qalalyq Polıtsııa departamentiniń Esirtki bıznesine qarsy kúres basqarmasynyń basshysy Erlan Álmaǵambetov.
Aıta ketý kerek, búgin áleýmettik jelide turǵyndar esirtki saýdasy jarnamalanǵan bannerlerge narazylyq bildirdi.
Almaty ákimdigi bul bannerlerdiń qalaı paıda bolǵanyn túsindirdi.