Esirtki jarnamasy bar bannerdi ornalastyrýshy deldal Qaraǵandyda ustaldy

NUR-SULTAN. QazAqparat - Polıtsııa qyzmetkerleri esirtki taratýshy saıttyń QR kody bar jarnamaǵa kim tapsyrys bergenin anyqtady, dep habarlaıdy QazAqparat QR ІІM baspasóz qyzmetine silteme jasap.

Polıtsııa qyzmetkerleri tapsyrys berýshimen qatar, senim júktelgen tulǵany, Almaty qalasyndaǵy daıyndaýshy fırmany, sondaı-aq osy bannerlerdi Nur-Sultan, Almaty, Shymkent, Qaraǵandy jáne Óskemen qalalarynda ornalastyrǵan zańdy tulǵalardy anyqtady.

«Qazirgi ýaqytta deldal qamaýǵa alyndy. Protsessýaldyq sharalar júrgizilip jatyr. Banner jarnamalaryn ornalastyrǵan zańdy tulǵalar úshin ákimshilik hattamalar daıyndaldy. Bul – Ákimshilik quqyq buzýshylyq týraly kodekstiń «Esirtki, psıhotroptyq zattar men prekýrsorlardy nasıhattaý jáne zańsyz jarnamalaý» týraly 423-baby», - delingen habarlamada.

Baspasóz qyzmeti habarlaǵandaı, Almatyda eki banner ornalastyrǵan jarnama jasaýshyǵa 300 AEK nemese 757 myń 500 teńge kóleminde ákimshilik aıyppul salynǵan.

Eske sala ketsek, buǵan deıin polıtsııa qyzmetkerleri esirtkige jarnama jasap, banner ilgenderdi izdep jatqany týraly habarlaǵan bolatynbyz.

Al, Almatyda esirtkini jarnamalaǵan bannerdiń qalaı paıda bolǵanyn ákimdik túsindirip berdi. Sondaı-aq, Nur-Sultanda kúdikti QR kod beınelengen bannerler alynyp tastaldy.

ІІM Qazaqstanda esirtkiniń jasyryn jarnamasy bar 8 bannerdi anyqtady.