Esirtki jarnamalanǵan 5 myńǵa jýyq ınternet-resýrs buǵattaldy
ASTANA. QazAqparat - QR ІІM Esirtki qylmysyna qarsy is-qımyl departamenti men Astana qalalyq bilim basqarmasy «Azat adamdar» qoǵamdyq qorymen birlesip sıntetıkalyq esirtkiler jáne nashaqorlyq problemalary jóninde elordalyq mektep ustazdarymen kezdesý ótkizdi. Bul jaıynda QR Іshki ister mınıstrliginen málim etti, dep habarlaıdy QazAqparat tilshisi.
Vedomstvo aqparatyna qaraǵanda,bul kezdesý Astananyń barlyq jalpy bilim berý mekemelerin qamtýy tıis uzaq merzimdi baǵdarlamanyń birinshi kezeńi sanalady.
QR ІІM Esirtki qylmysyna qarsy is-qımyl departamentiniń bastyǵy Arystanǵanı Zapparovtyń aıtýynsha, aldyn alý baǵdarlamasynda jasóspirimderdiń aınalasyndaǵy ata-analar men ustazdarǵa basa nazar bólingen. Baǵdarlama jasóspirimder ortasyna tán jańa býyndaǵy sıntetıkalyq esirtkiler jáne «dárihanalyq» nashaqorlyq sııaqty eki problemany qamtıdy.
«Azat adam» qoǵamdyq qorynyń basshysy Olga Agapova jasóspirimder nashaqorlyǵy týraly aıtyp, psıhobelsendi zattardy ınternet-resýrstary arqyly taratýdyń jańa tásilderi, belgileri jáne olardy tutynýdyń saldary týraly ata-analarǵa arnalǵan dárispen tanystyrdy.
Aıta keteıik, 2018 jyly ІІM bastamasymen Aqparat jáne kommýnıkatsııalar mınıstrligi esirtki jáne psıhotropty zattar jarnamalanǵan jáne taratylǵan 5 myńǵa jýyq ınternet-resýrsyn buǵattady.
Esirtki taratyn messendjerlerdiń elektrondyq mekenjaılary jazylǵan 2,5 myńnan astam graffıtı - jazba anyqtalyp, joıyldy. Olardy jazǵany úshin 12 adam ákimshilik jaýapkershilikke tartyldy.
