Esirtki zattaryn jarnamalaıtyn 5 myń saıt buǵattaldy
«Esirtki qylmysyna qatysty jahandyq trend – kanabıs pen geroındi esirtkiniń sıntetıkalyq túrimen aralastyrý bolyp tur. Esirtkini zamanǵa saı ádistermen taratý qyzyp turǵanyn aıta ketý kerek. Atap aıtqanda, ótkizýshiler ınternet-tehnologııalardyń búkil áleýetin paıdalanýda. Saıttar men áleýmettik jeliler, Instagram, Telegram, Feısbýk, sonymen birge Kkıvı-ámııan, ıAndeks olardyń quralyna aınalǵan. Jyl basynan beri ІІM 5 myń saıtty anyqtalyp, buǵattaldy. Halyqtyń, Úkimettik emes uıymdardyń ókilderiniń qatysýymen esirtki satylatyn saıttarǵa silteme jasaıtyn myńnan asa grafıtı-sýret joıyldy», - dedi QR ІІM Esirtki qylmysyna qarsy is-qımyl departamentiniń bastyǵy Tilegen Matkenov vedomstvoda ótken baspasóz máslıhatynda.
Departament bastyǵynyń aıtýynsha, respýblıkadaǵy esirtkige qatysty ahýalǵa aýqymdy deńgeıde Shýdaǵy shıkizattyq baza áser etedi.
«Esirtkiniń eldiń aýmaǵyndaǵy taralýyna jol bermeý úshin biz jyl saıyn «Kóknar» operatsııasyn ótkizemiz. Bıyl operatsııa barysynda 898 esirtkige qatysty qylmys anyqtaldy. Onyń 411-i ótkizýmen baılanysty bolsa, 156 jaǵdaıy asa iri kólemde saqtaýmen baılanysty bolǵan. 17 tonna esirtki túrleri tárkilendi», - dedi ol.
Eske sala ketsek, buǵan deıin Tilegen Matkenov esirtkimen aınalysqan 5 qylmystyq toptyń áreketine shekteý qoıylǵanyn aıtqan edi.