Esirtki zattaryn satqan atyraýlyq sottaldy
ATYRAÝ. QazAqparat - Atyraý turǵyny esirtki zattaryn saqtap, ótkizgeni úshin sottaldy, dep habarlaıdy QazAqparat tilshisi.
Atyraý qalasynyń №2 sotynda sottalýshy P.-ǵa qatysty Qazaqstan Respýblıkasynyń QK-niń 297-babynyń 1-bóligimen qylmystyq is qaraldy.
«Sottalýshy P. aǵymdaǵy jyldyń qyrkúıek aıynda paıdakúnemdik maqsatta, óziniń qylmystyq quqyq buzýshylyq is-áreketiniń qoǵamǵa qaýiptiligin sezine tura, qasaqana 1 dana sirińke qorabyna oralǵan, jalpy salmaǵy 5,97 gramm bolatyn keptirilgen marıhýana esirtki zatyn ótkizý maqsatynda zańsyz saqtap, ıÝ.-ǵa 5 000 teńgege zańsyz ótkizgen. Sóıtip, sottalýshy P. qylmystyq quqyq buzýshylyq is-áreketin jasaǵan», - dep habarlady Atyraý qalasynyń №2 sotynyń baspasóz qyzmetinen.
Sot otyrysynda sottalýshy P. men onyń qorǵaýshysy kináni moıyndaý týraly protsestik kelisimdi jasaýǵa erikti túrde nıet bildirip, is boıynsha jınaqtalǵan dáleldemelerdi jáne is-árekettiń saralanýyn daýlamaıtyndaryn, taǵaıyndalatyn jazamen kelisetindikterin kórsetken.
Aıta ketelik, sot úkimimen sottalýshy P. Qazaqstan Respýblıkasynyń QK-niń 297-babynyń 1-bóligimen kózdelgen qylmystyq quqyq buzýshylyqty jasaǵany úshin kináli dep tanylyp, oǵan 5 jyl merzimge bas bostandyǵynan aıyrý jazasy taǵaıyndaldy.
