Esirtki zattary tárkilendi
ASTANA. 9 maýsym. QazAqparat /Aqbota Kúzekbaı/ - 1 maýsym men 31 qazan aralyǵynda QR ІІM Kóliktegi Іshki ister departamenti Esirtki bıznesine qarsy kúres basqarmasynyń jetekshiligimen «Kendir-2011» jedel izdestirý sharasy ótkizilýde.
Operatsııa kezinde 900 kelige jýyq esirtki zattary tárkilendi. Bul týraly búgin QR ІІM Kóliktegi ІІD Esirtki bıznesine qarsy kúres basqarmasynda málim boldy.
Osy jyldyń 3 maýsymynda jedel izdestirý sharalary barysynda Lýgovoı stansasynda «Bishkek-Novosibir» baǵytyndaǵy №385 jolaýshylar poıyzynyń vagonynda Qyrǵyz Respýblıkasynyń Osh oblysynda turatyn azamatsha ustaldy. Tekserý kezinde odan salmaǵy 3 kılogramm 914,700 gramm bolatyn «geroın» zaty tárkilendi. Atalǵan fakti boıynsha QR Qylmystyq Kodeksiniń «asa iri kólemde zańsyz tasymaldaý nemese satý úshin zańsyz saqtaý maqsatynda» atty 259 baptyń 3 bólimine sáıkes qylmystyq is qozǵaldy.
Al 4 maýsym kúni «Kendir-2011» jedel aldyn alý operatsııasy aıasynda Esirtki bıznesine qarsy kúres basqarmasy qyzmetkerleri men «Alfa» atty qyzmettik ıttiń kómegimen «Shý-Qumózek» stansasynda Ózbekstannyń 1978 jylǵy azamaty ustalyp, salmaǵy 717 keli «marıhýana» esirtki zaty alyndy. Ustalǵan adamǵa qatysty Qylmystyq Kodekstiń 259 babynyń 1 tarmaǵy boıynsha is qozǵaldy.
