Esirtki tutynǵan aqtaýlyq áskerı qyzmetker aıyppulmen qutyldy
AQTÓBE. QazAqparat - Aqtóbe garnızony áskerı sotynda esirtki zatyn satyp alyp, tutynǵany úshin Aqtaýdaǵy 29011 áskerı bóliminiń qyzmetkerine qatysty úkim shyqty, dep habarlaıdy QazAqparat tilshisi.
Málim bolǵandaı, Aqtaýdaǵy 29011 áskerı bóliminiń qyzmetkeri Danııar Kajenov aýyryp, Aqtóbe áskerı gospıtaline em qabyldaýǵa jolǵa shyqqan. Sol kezde temirjol vokzalynan 20 myń teńgege sirińkeniń eki qorabyna salynǵan esirtki zatyn satyp alyp, tutynǵan. Sot saraptamasy áskerı qyzmetker tutynǵan eskirtkiniń ıisi bar jasyl shóp, ıaǵnı, marıhýana ekenin anyqtady. Іs materıalyna súıensek, Aqtóbe qalasyna emdelýge kelgen sottalýshy Danııar Kajenov qol sómkesin tanysynyń úıine tastap, ózi gospıtalge jatqan. Keıin tanysyna telefon arqyly habarlasyp, qajetti zattaryn jetkizip berýdi suraǵan. Gospıtalden shyǵyp, ózine tıesili sómkeni alǵan áskerı qyzmetker kezekshi bólimdegi tekserýge baǵynbaı, aqyrynda polıtsııa shaqyrýǵa týra kelgen. Sol jerde áskerı qyzmetker ustalyp, eshqaıda ketpeý týraly bultartpaý sharasy qabyldandy.
Búgin Aqtóbe garnızony áskerı sotynyń tóraǵasy Shynbolat Qadyrov Qylmystyq kodekstiń «Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý» baby boıynsha sottalýshy Danııar Kajenovti aıypty dep tanyp, 80 AEK kóleminde aıyppul saldy. ıAǵnı, sottalýshy 181 myń teńgeden astam aıyppul tóleıdi. Sonymen qatar 60 myń teńgeden astam sot shyǵynyn óteýi tıis. Al tárkilengen 6,41 gramm marıhýana joıyldy.
Aıta keteıik, áskerı qyzmetker kapıtan-leıtenant sheninen aıyrylmaıtyn bolyp sheshildi, ol jumysyn jalǵastyra beredi.
Sot úkimi zańdy kúshine engen joq.
