Esirtki tasymalymen aınalysatyn qylmystyq top $30 mlrd kóleminde paıda tabady
ASTANA. QazAqparat - Kokaındi Eýropaǵa jetkizýmen aınalysatyn ıtalııalyq «La'ndrangeta» qylmystyq toby jylyna 30 mıllıard dollar kóleminde paıda tabady. Bul - álemdik esirtki naryǵynyń altydan bir bóligi, dep jazady 24.kz.
Básekelesterinen basa ozǵan qylmystyq toptyń ókilderi meksıkalyq jáne kolýmbııalyq esirtki satýshylardyń senimine kirgen. Italııadaǵy eń iri Djoıa Taýro kemejaıyna kúnine shamamen 8 myń júk konteıneri keledi. Tártip saqshylarynyń aıtýynsha, árbir júkti tekserý múmkin emes. Sońǵy eki aıdyń ishinde bar bolǵany 700 keli esirtki tárkilengen.
Esirtki bıznesimen kúres júrgizý úshin Italııa bıligi jyl saıyn 2,5 mıllıard eýro jumsaıdy. Al tanymal «La'ndrangetanyń» ózge de bıznes túrlerin qosqanda tabysy - 44 mıllıard dollar. Italııadaǵy 3 mıllıonǵa jýyq kokaın tutynýshylar olarǵa naǵyz paıda kózi bolyp otyr.
