Esirtki tasymaldap júrip, qolǵa tústi - Qaraǵandy

 QARAǴANDY. QazAqparat - Patrýldik polıtsııa polkiniń qyzmetkerleri 27-jastaǵy esirtki zattaryn tasymaldaýshy azamatty ustady, dep habarlaıdy QazAqparat tilshisi.

Patrýldik polıtsııa polkiniń qyzmetkerleri polıtsııa leıtenanty Jambyl Nurǵalıevpen qatardaǵy polıtsııa qyzmetkeri Ońǵarsyn Imanǵalıev 20 qazan kúni ózine júktelgen aýmaqta qyzmet atqarý barysynda Qaraǵandy qalasynyń Qurylysshylar kóshesinde kúdik týǵyzǵan azamatty baıqaǵan. Ol polıtsııa qyzmetkerleriniń suraqtaryna jaýap bere almaı, sózinen jańylyp, tártip saqshylarynan qashýǵa áreket jasaǵan. 27 jastaǵy er adamdy tergeý barysynda 42 dana paketke oralǵan esirtkige uqsas zattar tárkilenip alyndy.

Atalǵan derek boıynsha Qazaqstan Respýblıkasy Qylmystyq Kodeksiniń 297 baby 1 tarmaǵyna sáıkes qylmystyq is qozǵalyp, tıisti saraptamalar taǵaıyndalyp, tergeý amaldary júrgizilýde.