Esirtki tasymaldady degen kúdikpen Malaızııada ustalǵan Qazaqstan azamaty bosatyldy - QR SІM
ASTANA. 4 maýsym. QazAqparat - Malaızııadaǵy Rýstam Kamalov qamaýdan bosatyldy.
Bul týraly búgin Astanada ótken brıfıngte Syrtqy ister mınıstrliginiń resmı ókili Altaı Ábıbýllaev málim etti.
Esterińizge sala keteıik, qańtar-aqpan aılarynda habarlanǵandaı, Kýala-Lýmpýr qalasynyń áýejaıynda Malaızııa aýmaǵynda esirtki tasymaldady degen kúdikpen Qazaqstan azamaty R. Kamalov ustalǵan bolatyn. Elimizdiń atalǵan azamatyna qatysty is Malaızııanyń Bas prokýratýrasynyń tergeýinde boldy.
Resmı ókildiń sózine qaraǵanda, R. Kamalovtyń isi boıynsha Qazaqstannyń Malaızııadaǵy dıplomattary bul eldiń quziretti mekemelerimen tıisti kelissózder júrgizdi.
«31 mamyrda sot otyrysy ótip, R. Kamalovty qamaýdan bosatý týraly sheshim shaǵyraldy», - dep atap ótti resmı ókil. Qazirgi kezde atalǵan azamatpen onyń ata-anasyn elge qaıtarý úshin qajetti sharalar atqarylyp jatqan kórinedi.
